„ელთ ბილდინგის“ ადვოკატებმა დეზინფორმაცია უწოდეს ჩიკვაიძის 12 სექტემბრის სატელევიზიო განცხადებებს და ამტკიცებენ, რომ მან იახტის შესაძენად ჩარიცხული თანხა საკუთარი მიზნებისთვის დახარჯა. შემდეგ კი, როგორც ადვოკატი ვიტალი ხალვაში განმარტავს, ჩიკვაიძემ სცადა, საქმეს სამოქალაქო სამართლის კვალიფიკაცია მისცემოდა. კომპანიის ადვოკატებმა 16 სექტემბერს გამართულ პრესკონფერენციაზე აღწერეს, რა უძღოდა 2024 წლის იანვარში ჩიკვაიძის წინააღმდეგ პროკურატურაში მათი საჩივრის შეტანას. ხალვაშის თქმით, გიორგი ჩიკვაიძის კომპანიას, „რამზეს ჯორჯიან იახტინგ პლათფორმს“, გაფორმებული ნასყიდობის ხელშეკრულებით, 1 155 019 ლარის სანაცვლოდ უცხოეთიდან იახტა უნდა ჩამოეყვანა „ელთ ბილდინგისთვის“. ადვოკატის განცხადებით, ჩიკვაიძის კომპანიას თანხა ოთხ ტრანშად ჩაურიცხეს, თუმცა მან იახტის ჩამოყვანა ვერ უზრუნველყო, ხოლო თანხა საკუთარ საჭიროებებზე დახარჯა. პრესკონფერენციაზე გაავრცელეს ჩიკვაიძის კომპანიის ტრანზაქციები, რომლებიც, მათი თქმით, სასამართლომ მტკიცებულებად დაუშვა. „ამონაწერის მიხედვით, კომპანიის ბრუნვა, სანამ იახტის თანხა ჩაერიცხებოდათ, შეადგენდა 1,83 ლარს. პირველი ტრანშის ჩარიცხვის შემდეგ, ამ პირებმა თანხა მოიხმარეს პირადი დანიშნულებით... თანხის 60% მოხმარდა მათი ძველი კრედიტორების მიმართ არსებული ვალდებულებების შესრულებას, თანხის ნაწილი გამოიყენეს პირადი დანიშნულებით, გაიცა ხელფასები და ნაწილი გაიცა საქვეანგარიშოდ. მეორე ტრანშის ეტაპზე მათი ანგარიში შეადგენდა 50 ცენტს. მეორე ტრანშის გადარიცხვის შემდეგ, თანხა გამოიყენეს არამიზნობრივად და არ შეიძინეს იახტა. ისევ ძველი კრედიტორები დააკმაყოფილეს, ისევ პირადი მიზნობრიობისთვის გამოიყენეს ეს თანხა, გაიტანეს საქვეანგარიშოდ. მესამე და მეოთხე ტრანშის თანხასაც იგივე ბედი ეწია. ეს ტრანზაქციები ადასტურებს, რომ კომპანიის თანხა უკანონოდ მიითვისეს“, - თქვა ვიტალი ხალვაშმა. როგორც ადვოკატმა აღნიშნა, დასტურდება, რომ იახტა არასდროს ყოფილა შეძენილი. საბოლოოდ, „ელთ ბილდინგის“ წარმომადგენლები ამბობენ, რომ გიორგი ჩიკვაიძის კომპანიამ მათ ანგარიშზე მხოლოდ 50 000 ევრო დააბრუნა. ამ ნაბიჯს კომპანიის ადვოკატები უკავშირებენ, მათი აზრით, ჩიკვაიძის სურვილს, რომ დავა სამოქალაქო სამართლის კვალიფიკაციით გაგრძელებულიყო. „ჩიკვაიძემ იცოდა, რომ ვალდებულებას ვერ შეასრულებდა, გადმორიცხა თანხა, რადგან იცოდა, რა პასუხისმგებლობა ელოდა. სურდა, საქმეს მისცემოდა სამოქალაქო სამართლის კვალიფიკაცია, იმიტომ რომ არც მას და არც მის პარტნიორს, ირაკლი პაპიაშვილს, არც მათ საწარმოს, არც სხვა საწარმოებს, რომლებშიც წილები აქვთ, არც მოძრავი და არც უძრავი ქონება არ გააჩნიათ და არც საბანკო ანგარიშზე აქვთ ბრუნვა ერთი თეთრის. შესაბამისად, სამოქალაქო სამართლით რომ წასულიყო საქმე, მას უბრალოდ თანხის გადახდ...